Gjykata e Lartë ruse ka ndaluar Dëshmitarët e Jehovait, duke i cilësuar si grupe ekstremiste. Grupi fetar në Rusi tani do të detyrohet të shpërndahet.
Gjykata refuzoi thirrjet e mëparshme të grupit për të njohur organizatën, si viktima të represionit politik. Gjykata gjithashtu nuk pranoi të dëgjonte dëshmitë e besimtarëve, të cilët pretendonin se policia ruse kishte falsifikuar prova kundër grupeve fetare rajonale.
Ministria e Drejtësisë ruse kërkoi nga Gjykata e Lartë të ndalojë organizatën që në datën 17 prill. Shteti Islamik dhe al-Kaida janë grupe të tjera të ndaluara në Rusi, pasi cilësohen si terroriste.
