Shtatë muajt e fundit, 125 mijë persona nga Ukraina Lindore kanë marrë nënshtetësi ruse. Ky numër është bërë i ditur nga ministri i Brendshëm i Rusisë, Vladimir Kolokoltsev.
“Më shumë se 160 000 aplikime janë pranuar nga qendrat në rajonin e Rostovit (në kufi me Ukrainën). Tashmë shtetësia u është dhënë 125 000 aplikantëve,” deklaroi Kolokoltsev.
Në muajin prill, presidenti Valdimir Putin firmosi një ligj që synonte përshpejtimin e procedurave për t’u dhënë nënshtetësi banorëve të rajoneve Luhansk dhe Donetsk, të shkatërruara nga lufta në Ukrainën Lindore.
Ndërkohë, bëhet me dije se Putin do të zhvillojë një takim në Paris me liderin e Ukrainës, Volodymyr Zelensky, për të biseduar për paqen.
