Kreu i Konfindustrisë, Gjergj Buxhuku, ka kritikuar mënyrën se si qeveria ndërhyn në rritjen e pagës minimale, duke theksuar se këto vendime shpesh merren për interesa politike dhe jo në bazë të kapaciteteve reale të ekonomisë.
Sipas tij, një rritje e pagës pa studime të mirëfillta mund të ketë pasoja negative për bizneset, duke rritur kostot dhe krijuar vështirësi në sektorë të caktuar.
Buxhuku thekson se qeveria duhet të sigurohet që ekonomia mund ta përballojë këtë ndryshim përpara se të ndërhyjë me masa të tilla.
