Teksa afati për regjistrimin e diasporës po shkon drejt fundit, numri i aplikimeve ka kaluar shifrën e 182 mijë emigrantëve që duan të marrin pjesë në zgjedhjet e 11 majit.
Sipas të dhënave të Komisionit Qendror të Zgjedhjeve, deri tani janë regjistruar mbi 142 mijë aplikime, ndërsa mbi 34 mijë janë refuzuar. Shumica e refuzimeve lidhen me gabime në adresat e dhëna nga aplikantët.
Ndërkohë, politika shqiptare vazhdon thirrjet për diasporën që të mos e lërë regjistrimin për ditët e fundit, pasi fluksi i lartë mund të shkaktojë probleme teknike në platformën e regjistrimit. Afati përfundimtar i regjistrimit është data 4 mars.
