Rritet bilanci i viktimave të sulmit me armë në një resort të famshëm në Las Vegas.
Deri më tani, raportohet se nga sulmi kanë mbetur të vdekur të paktën 50 persona dhe mbi 200 të tjerë janë plagosur.
Policia ka vrarë agresorin, i cili është identifikuar si 64-vjeçari Stephen Paddock, i cili ka qëlluar me breshëri me automatikun e tij nga kati i 32-të i një ndërtese duke shkaktuar vrasjen dhe plagosjen e dhjetëra personave.
Lajmin e bëri të ditur sherifi i Las Vegasit, Joseph Lombardo, i cili tha se Paddock u ekzekutua në një dhomë në katin e 32-të të një hoteli në Mandalay Bay Hotel. Gjithashtu, Lombardo shtoi se në dhomën e agresorit u gjetën disa armë.
Policia ka përjashtuar mundësinë e një sulmi terrorist, ndërsa Lombardo e përshkroi agresorin si një “ujk të vetmuar”, si dhe tha se nuk janë të qarta motivet e këtij sulmi.
Ngjarja ka ndodhur rreth orës 22:30 (05:30 GMT), ndërsa policia e Las Vegasit ka arritur të kapë edhe gruan që bashkëjetonte me agresorin, e identifikuar si Marilou Danley.
Marilou Danley, gruaja që bashkëjetonte me agresorin
