Një video është publikuar në rrjetet sociale, ku forca ushtarake ruse shihen teksa lëvizin në drejtim të Vladivostokut, që është vetëm rreth 13 kilometra larg kufirit me Korenë e Veriut, dhe kjo po shihet si një nga gjasat se bota po shkon drejt një përplasjeje mes fuqive të mëdha.
Rusia thuhet se ka dërguar mjete ushtarake në drejtim të qytetit, i cili është në distancë goditëse me Korenë e Veriut.
Kjo lëvizje dramatike, e pakonfirmuar nga qeveria ruse, është vënë re nga banorët e qytetit kufitar dhe është publikuar në mediat sociale.
Koreja e Veriut, më herët, ka paralajmëruar se janë të përgatitur për t’iu përgjigjur me luftë SHBA-së, ndërsa Kina ka ftuar të dy fuqitë, të tërhiqen nga përshkallëzimi.
Që nga shfaqja e pamjeve në Vladivostok, frika se Koreja e Veriut mund të bëhet shkas për një konflikt që përfshin SHBA-në, Kinën dhe Rusinë, është rritur, përcjellë gazetametro.net.
Të dy, Kina dhe Rusia, e konsiderojnë Korenë e Veriut si shtet tampon, për të cilën ato kanë nevojë ta mbajnë ashtu, si garanci për sigurinë e tyre kombëtare.
Presidenti, Donald Trump, ka premtuar tashmë se do t’i jap fund kërcënimit që vjen nga gadishulli korean. Kina ka kërkuar nga Shtetet e Bashkuara dhe Koreja e Veriut, të tërhiqen nga gjendja e luftës.
Të premten, ministri i Jashtëm i Kinës, Wang Yi, paralajmëroi se “konflikti mund të shpërthejë në çdo moment”.
“U bëjmë thirrje të gjitha palëve që të përmbahen nga provokimet dhe kërcënimet ndaj njëri-tjetrit dhe të mos lejojnë që situata të shkojë në fazë të pakthyeshme dhe të pakontrollueshme”, tha ai. Air China, në pronësi të qeverisë kineze, ka vendosur t’i japë fund shërbimit të saj të fluturimeve nga Pekini për në Penian, nga frika e një përshkallëzimi të situatës.
