Një 31-vjeçar ka rënë nga lartësia teksa po punonte në fasadat e një objekti në Sauk të Ri dhe ndodhet në spital nën kujdesin e mjekëve.
Policia bën me dije se specialistët për Hetimin e Krimeve të Komisariatit Nr. 1 kanë referuar materialet në Prokurori, ku ka nisur procedimi në gjendje të lirë për shtetasit K. K., 22 vjeç, dhe A. H., 24 vjeç, me detyrë inxhinierë.
Po ashtu, vijon puna për shoqërimin e shtetases E. K., 55 vjeçe, administratore e firmës ndërtuese, në objektin e së cilës ndodhi ngjarja.
Njoftimi i policisë:
Specialistët për Hetimin e Krimeve të Komisariatit të Policisë Nr. 1 referuan materialet në Prokurori, ku nisi procedimi në gjendje të lirë për shtetasit K. K., 22 vjeç, dhe A. H., 24 vjeç, me detyrë inxhinierë, si dhe punohet për shoqërimin e shtetases E. K., 55 vjeçe, me detyrë administratore e një firme ndërtimi, pasi në Sauk të Ri, duke punuar në fasadat e një objekti të kësaj firme, ka rënë nga lartësia punëtori A. E., 31 vjeç, i cili ndodhet në spital, nën kujdesin e mjekëve.
