Valentino Rossi e ka humbur garën këtë vit për tu shpallur kampion në Moto GP dhe tashmë garat e mbetura i ka shfrytëzuar për të mbledhur informacione për vitin e ardhshëm. Edhe në Valencia Rossi shprehet se do të garojnë për të menduar të ardhmen, pasi fitorja nuk është më e rëndësishme. Yamaha është duke mbledhur informacione në garat e fundit, që vitin e ardhshëm të bëjnë një paraqitje dinjitoze dhe të mos kenë probleme si në garat e fundit.
“Gara e fundit sezonale erdhi, por për Yamaha ky fundsezon nuk ka qenë ai që pritej. Gjatë 3 garave të fundit që kemi zhvilluar në Azi dhe Japoni më shumë kemi punuar për të ardhmen, duke mbledhur informacionin e duhur që na duhet për 2018-ën, ndaj kemi mbetur të kënaqur”, u shpreh sot Valentino Rossi, pak orë para se të nisin provat e lira të vlefshme për garën e Çmimit të Madh të Valencia në Moto GP.
Në prag të kësaj gare, piloti italian thotë: “Shpresoj që edhe këtu të punojmë shumë duke menduar për të ardhmen, pasi nuk na intereson shumë gara për titull. Yamaha është jashtë kësaj gare, ndaj do të punojmë për të mbledhur sa më shumë informacionin për motorin e ri dhe testet dimërore. Natyrisht që do të garojmë për fitore, por rezultati nuk ka shumë rëndësi për këtë sezon”, tha Rossi.
