Është duke u luajtur superndeshja e Serie A mes Juventusit dhe Lazios. E gjithë vëmendja është tek Ronaldo i cili nuk ka shënuar akoma gol në kampionatin italian. Juventus është hedhur në sulm dhe ylli portugez ka pasur një rast të mirë, por që nuk arriti të godiste. Më pas është Bernardeschi që godet mjaft bukur me të majtën dhe Ronaldo duke mos e arritur dot topin me kokë përdor dhe duart, por Strakosha është fantastik dhe nuk e lë topin të shkojë në rrjetë.
Ndërsa në minutën e 30’ është Miralem Pjanic që ka heshtur stadiumin me një supergol nga jashtë zone. Një top i goditur fluturimthi me një perfeksion për tu admiruar dhe Strakosha nuk kishte asnjë shans për ta ndalur. Juventusi në avantazh.
