Cristiano Ronaldo dhe Messi janë, padyshim, dy lojtarët më të mirë në botë. Pavarësisht luhatjeve të të dyve në ndeshjet e fundit, bindja për kualitetin e tyre qëndron e patundur.
Ronaldo ka treguar se është lojtari më i rëndësishëm tek Reali i Madridit, teksa në dy sfidat ndaj Bayernit arriti të gjejë 5 herë rrjetën. E kundërta ndodhi me Messin, i cili kurseu edhe goditjet në portë ndaj Buffonnit.
Ronaldo kaloi Realin e Madridit në fazën tjetër dhe ka shënuar 7 gola deri më tani, në këtë edicion te Champions League, ku 5 të tillë i shënoi kundër Bayernit. Messi kryeson listën e golashënuesve me 11 gola.
Ronaldos i mbeten edhe 2 ndeshje për të luajtur, ndërkaq, argjentinasi e mbylli kompeticionin në sfidën ndaj Juventusit.
Real Madrid dhe Barcelona ndeshen të dielën, sfidë e cila përsëri do të përballë dy lojtarët më të mirë në botë, këtë herë për të diskutuar Kampionatin spanjoll.
