Ronaldo që në fëmijërinë e tij besonte se një ditë do të ishte futbollisti më i mirë në botë dhe që e ka arritur e tregojnë numrat e tij të frikshëm. Por vetëvlerësimi duket se është në gjak të familjes së tij, pasi djali i tij beson se do të bëhet një futbollist më i mirë se i ati.
Është hapur nga garë baba-djalë tek “zonja e vjetër”, teksa Cristiano Jr po ndjek hapat e babait duke shënuar me ekipin 9 vjeçar. Ronaldo në një intervistë të dhënë për gazetën italiane ka thënë: “Shpresoj që Cris, djali im, të bëhet si babai.
Ai thotë që do të jetë më i mirë se unë, por mendoj se do e ketë të vështirë”. Mundo Deportivo tregon se aktualisht Cristiano Jr po shënon më tepër gola për ekipin 9 vjeçar sesa CR7 për ekipin e parë, madje ndërsa djali e ka gjetur golin që në debutimin e parë, portugezit iu deshën 5 javë.
