Juventusi vazhdon të jetë skuadra e pathyeshme në Serie A, pasi ka arritur një barazim dramatik 2 me 2 përballë Atalantës edhe pse me 10 lojtarë. Ndeshja nisi në mënyrën më të keqe të mundshme për vendasit, pasi një devijim i Gjimshitit në minutën e 2’ çoi topin në rrjetën e mposhtur nga Berisha. Bardhezinjtë fillojnë festën dhe e marrin më me qetësi takimin.
Bergameskët nuk u dorëzuan dhe në minutën e 24-t barazon me Duvan Zapata, i cili ka realizuar golin e barazimit 1-1. Pjesa e dytë ka filluar keq për “Zonjën”, që ka mbetur me dhjetë lojtarë në minutën e 53-të pas kartonit të dytë të verdhë të marrë nga Rodrigo Bentnacur.
Zikaltrit e kanë shfrytëzuar pothuajse menjëherë superioritetin numerik, duke shënuar golin e dytë në minutën e 56-të. Ky gol ka detyruar trajnerin Allegri- të aktivizojë Cristiano Ronaldo-n, i cili duhej të kishte qëndruar pushim në këtë ndeshje.
Portugezi ia ka shpërblyer besimin trajnerit të Juventus me golin e barazimit 2-2 të shënuar në minutën e 78-të me një goditje me kokë brenda zonës së rreptësisë, ndaj së cilës portieri Berisha nuk mund të bënte asgjë.
Në minutën e parë të kohës shtesë ka ardhur edhe goli i tretë i miqve, i realizuar nga Bonucci, por që është anuluar për pozicion jashtë loje.
Në ndeshjet e tjera, Lazio ka mundur 2-0 Bologna-n dhe ka përforcuar vendin e katërt. Sampdoria ka fituar me të njëjtin rezultat në fushën e Chievo-s dhe është ngjitur në vendin e pestë. Cagliari është kthyer te fitorja pasi ka mundur 1-0 Genoa-n në shtëpi, ndërsa Parma-n ka fituar me të njëjtin rezultat në fushën e Fiorentina-s.
