Çerekfinalet e evenimentit më të rëndësishëm të futbollit për klube, Champions League kanë dhuruar spektakël dhe shumë surpriza. Ishte Roma që bëri surprizën e madhe duke përmbysur një rezultat në dukje të pamundur, përballë Barcelonës së madhe. Pas ndeshjes së parë 4-1 në “Camp Nou” askush nuk besoi se katalanasit do të diskutonin gjysmëfinalen, por në të vërtetë Roma bën një ndeshje të madhe në “Olimpico” dhe shkruan historinë. Por nuk mbaroi me kaq, pasi edhe më të mirët në fuqi të Europës u befasuan nga Juventusi, por Real Madrid ishte ekipi që do të siguronte kalimin në sekondat e fundit.
Për ish-lojtarin e Barcelonës, eliminimi i kësaj të fundit nga Roma është një lajm i bukur për futbollin. Rivaldo edhe pse është mërzitur për ish-ekipin e tij, beson se ky ishte një sinjal i mirë që futbollit po i rikthehet konkurrenca dhe nuk ka më ekipe që kanë të sigurtë fitoren.
“Ajo që ndodhi ishte shumë interesante. Pasi kam luajtur te Barcelona dhe jam akoma një tifoz, jam i mërzitur. Por duhet të kuptoj,ë se tregon përgatitjet e mëdha të kundërshtarit dhe futbolli nuk është vetëm Real Madrid dhe Barcelona. Real Madrid thuajse i eliminua për vete. Kjo është diçka e mirë për futbollin. Pas asaj që bëri Juve dhe Roma, askush nuk do të thotë se Real Madrid e ka hipotekuar titullin e Champions League”, shprehet Rivaldo.
Në gjysmëfinale Roma do të ndeshet me Liverpool në gjysmëfinale, ndërsa Madrid do të ndeshet me Bayern Munich.
