Në emisionin “Me Zemër të Hapur”, në News24 me autoren dhe moderatoren Evis Ahmetin është trajtuar historia e një 68-vjeçareje e cila ka rrëfyer historinë e familjes dhe vështirësive që ka kaluar pas djegies së banesës së saj.
Gjatë rrëfimit në studio, e moshuara tregoi se se shtëpia e saj është djegur për shkak të një shkëndije elektrike. Sipas saj ditën e ngjarjes ajo kishte dalë me bashkëshortin për të shitur hekura në mënyrë që të fitonim para për tu ushqyer. Më tej ajo shtoi se institucionet i kishin premtuar një bonus qiraje dhe se më pas nipërit ishin dërguar në jetimore në qytetin e Shkodrës pa i dhënë asnjë njoftim.
“Në vitin 2024 shtëpia ime është djegur. Sipas ekspertizës shkak ishte një shkëndijë elektrike. Ditën e ngjarjes, bashkë me bashkëshortin kishim dalë për të punuar që të nxirrnim bukën e gojës duke shitur hekura, ndërsa nuset ishin në punë dhe fëmijët ndodheshin në shtëpi. Njëra nga nuset nuk e donte fëmijën e dytë dhe dëshironte ta linte në spital pasi nuk ka kushte ekonomike për ta mbajtur. Ajo gjithashtu dëshiron të ndahet nga djali pasi ne jemi të varfër. Pas djegies së shtëpisë ne jemi drejtuar në komisariat dhe njësia administrative na premtuan se do na jepnin një bonus qiraje. Më vonë institucionet m’i morën nipërit dhe i dërguan tek shtëpia e fëmijëve në Shkodër pa asnjë njoftim”, tha ajo
68-vjeçarja theksoi se kishte vazhduar t’i takonte fëmijët dhe se kishte qenë prezente në një akt dhune kur roja i jetimores e kishte marrë zvarrë 8-vjeçarin pasi ai kishte kërkuar gjyshen e tij.
Ajo shtoi më tej se nipi 13-vjeçar i kishte treguar se personeli i jetimores kishin bërë veprime të turpshme në prani të tyre dhe se kishin ushtruar dhunë.
Unë shkoja i takoja ata, dhe kur kam vajtur te jetimorja i kam dërguar edhe disa ushqime. Nipi 8-vjeçar më kërkonte duke qarë dhe roja e jetimores e mori zvarrë fëmijën. Më pas fëmija më tregoi se ishte larguar nga jetimorja 3 herë dhe kishin shkuar në Tropojë. Djali i madh ka treguar se në në jetimore personeli bënin veprime të turpshme dhe ushtronin dhunë. Njësia administrative është shprehur gjithashtu se unë duhet të shkoj në azil së bashku me bashkëshortin”, përfundoi 68-vjeçarja.
