Lojtari i Bayern Munchen, Arjen Robben, beson se skuadra e tij mund t’ia dalë kundër madrilenëve.
Në një intervistë për të përditshmen gjermane “Bild”, 33-vjeçari rrëfen sekretin e tij, duke thënë se skuadra duhet të shënojë në rastin e parë që i jepet mundësia, në mënyrë që të ketë gjasa të kërkojë diçka më shumë.
“Në mundësinë e parë që na jepet të martën, ne duhet të shënojmë. Ne nuk guxojmë të shfaqim asgjë më pak se ajo që kemi bërë në Munih. Jemi përgatitur në maksimum dhe do ta luajmë lojën tonë në Madrid. Nuk ka rëndësi se kush është në fushë, jam i sigurt se do të jetë një skuadër e fortë. Kemi besim në njëri-tjetrin dhe kjo është gjëja më e rëndësishme”, u shpreh ai.
Bayern Munchen do të luajë nesër në mbrëmje, ndeshjen e kthimit, përballë Real Madrid në “Santiago Bernabeu”, për fazën çerekfinale të Ligës së Kampioneve.
