Greg Abbot, guvernator i Teksasit tha se rimëkëmbja e vendit pas përmbytjes nga uragani Harvey, mund të kushtojë 180 miliardë dollarë.
Sipas tij, dëmet janë më të mëdha se ato të shkaktuara në 2005 nga uragani Katrina, i cili shkatërroi Nju Orllins.
Por, kreu i agjencisë qeveritare për menaxhimin e katastrofave tha se shtetet e goditura nga përmbytjet, nuk duhet të mbështeten tek Uashingtoni, raporton VOA. Brock Long tha se Harvey duhet të jetë thirrje zgjimi për zyrtarët lokalë.
Operacionet e rimëkëmbjes janë në zhvillim e sipër në Teksas dhe në Luizianë.
Uragani shkatërrues ka marrë së paku 47 jetë njerëzish, ndërsa rreth 43,000 njerëz po qëndrojnë në strehimore.
