Një ndër filmat më të pëlqyer horror i viteve ’90-të është rikthyer sërish. Bëhet fjalë për filmin “IT”, i cili ka mbetur gjatë në mendjen e shumë personave dhe konsiderohet një ndër filmat më të mirë të zhanrit horror-fantazi-dramë.
Versioni i përpunuar i këtij filmi po pritet nga miliona njerëz, ndërsa videoja paralajmëruese ka marrë mbi 28 milionë klikime.
“IT” trajton rastin e zhdukjes së fëmijëve në një lagje pas të cilit qëndron një kloun famëkeq. Ky i fundit është i njohur për dhunë dhe vrasje për një kohë shumë të gjatë.
Distributori i këtij filmi është Warner Bross ndërkohë që në rolet kryesore janë Bill Skarsgard, Jaeden Lieberher, Jacky Dylan Grazer, Sophia Lillis etj.
IT ishte e bazuar në novelën e Stephan King me po të njëjtin emër, me aktorët e njohur Tim Curry, Jonathan Brandis, Annette O’Toole e shumë të tjerë.
