Debati për ligjin e gjuhës shqipe do të rinisë sot në Kuvendin e Maqedonisë, pas ndërprerjes para 25 shtatorit për shkak të zgjedhjeve.
Bëhet fjalë për seancën numër 15, e cila që nga dita kur filloi u pengua nga deputetët e OBRM-PDUKM-së.
Përpjekjet për zyrtarizim e shqipes si gjuhë e dytë zyrtare në institucionet e Maqedonisë ka bërë që të ketë përplasje të forta mes politikanëve. Akoma nuk kemi një vullnet politik që kjo çështje të zgjidhet nga klasa politike maqedonase me gjithë vullnetin e mirë të ndërkombëtarëve dhe BE-së që kjo çështje të zgjidhet sa më parë.
Opozita maqedonase e vlerëson si ligj i cili nuk ka baza në Kushtetutën e vendit, mazhoranca do që ky ligj të kalohet për shkak të premtimit gjatë fushatës.
Ligji i aktual për gjuhën e përkufizon shqipen si gjuhë zyrtare, por ajo e ka statusin vetëm në zonat, ku shqiptarët përbëjnë mbi 20 për qind të popullsisë.
