Këngëtarja Avril Lavigne ka njoftuar rikthimin e shumëpritur për fansat e saj. Ajo lançoi albumin e saj të fundit para 4 vitesh, ndërsa ka vendosur të rikthehet me një tjetër album.
Lajmin e bën të ditur vetë këngëtarja përmes rrjeteve sociale, ku njofton se së shpejti do të sjellë albumin e ri.
“Për fansat e mi, unë dua t’ju falënderoj për durimin, pasi unë jam duke punuar për albumin e ri. Ka qenë një rikuperim i gjatë dhe dua të sigurohem që gjithçka është e përkryer për ju.
Ju meritoni të mira dhe kjo është ajo çfarë unë kam për të ofruar për ju. Mezi pres të ndajë muzikën time të re me ju. Ju dua, Avril.”
Këngëtarja 32-vjeçare u shkëput nga muzika për shkak të disa problemeve shëndetësore.
