I dërguari special i Presidentit amerikan Richard Grenell ka reaguar pas lajmit të drejtorit të komunikimit të PD, Alfred Leles. Media e Leles ka publikuar një lajm që sipas Grenell është gënjeshtër e plotë.
Lajmi është në fakt pretendimi se djali i Donald Trump ka refuzuar të takojë Edi Ramën. Grenell e mohon këtë lajm kategorikisht dhe i kërkon Alfred Leles që ta korrigjojë dhe ta heqë menjëherë artikullin.
Për më tepër, Grenell nënvizon që Shqipëria është një aleate shumë e rëndësishme e Amerikës, ndaj ai personalisht ka zgjedhur të mos ndërhyjë në zgjedhjet shqiptare, por këtë radhë, me këtë shpifje, ndjehet i detyruar të reagojë.
“I dashur
@AlfredLela,
E kuptoj që jeni vetëm disa ditë larg një zgjedhjeje të rëndësishme. E kuptoj që emocionet janë të larta. I kam ndjekur në heshtje zgjedhjet tuaja nga jashtë, sepse Shqipëria është një aleate e rëndësishme dhe e besuar e NATO-s për Amerikën (dhe një nga vendet e mia të preferuara për të vizituar dhe pushuar).
Por ky artikull nga media juaj është NJË GËNJESHTËR E PLOTE.
Duhet të korrigjohet menjëherë dhe të hiqet, nëse ju interesojnë faktet.”, shkruan Grenell
