Alarmi mbi çantën e dyshimtë të gjetur në zonën e “21 dhjetorit” ka rezultuar fals.
Edhe pse policia rrethoi zonën dhe qarkullimi i automjeteve u bllokua për disa minuta me radhë, duket se ky alarm ka qenë i kotë pasi brenda çantës të dyshimtë janë gjetur vetëm veshmbathje.
Pas kontrollit të njësisë antieksploziv ka rezultuar se çanta nuk përbën asnjë rrezik sepse brenda saj ka pasur vetëm veshmbathje të një zonje.
Mësohet se çanta i përket një gruaje të moshuar, e cila e kishte harruar në rrugë. Ka qenë vet zonja ajo që ka marrë në telefon policinë, pasi kishte parë transmetimin e ngjarjes në media.
