Ka përfunduar procesi i numërimit të votave, pas procesit zgjedhor në njësinë numër 5 në Preshevë.
Në zgjedhje garuan 8 subjekte politike, dy prej të cilave nuk kanë arritur ta kalojnë pragun. Konkretisht, jashtë Kuvendit komunal të Preshevës kanë mbetur UDSH e Naser Hazirit dhe PD e Xhelal Mehmetit.
Konkretisht, nga të gjitha fletët e votimit, 18.546 prej tyre kanë qenë të vlefshme, prej të cilave subjektet zgjedhore kanë fituar mandate si më poshtë:
APN – 6868 vota – 15 mandate
PDSH – 5030 vota – 11 mandate
UDSH – 425 vota – 0 mandate
LR PDSH – 1732 vota – 3 mandate
PVD – 2735 vota – 6 mandate
BDL – 461 vota – 1 mandat
LISTA SERBE – 961 vota – 2 mandate
PD – 334 vota – 0 mandate
Sipas kryetarit të Komisionit Komunal Zgjedhor, Zeqirja Miftari procesi i rivotimit ka qenë i rregullt dhe pa incidente, ndërsa ora 20:00 ka shënuar edhe mbylljen e vendvotimit numër 5 në qytetin e Preshevës. Përqindja e daljes së qytetarëve llogaritet të jetë rreth 45%.
