Reshjet e rëna përgjatë ditëve të fundit kanë shkaktuar dëme të mëdha për bizneset në Golem.
Garazhi i një hoteli ende ka mbetur i përmbytur nga shirat e ditëve të fundit dhe shkak sipas banorëve është bërë bllokimi i kanaleve kulluese në zonë.
Megjithëse moti ditët e fundit është përmirësuar, garazhi ka mbetur nën ujë. Banoret tregojnë se dëme të mëdha janë shkaktuar edhe ne banesat e tyre nga një situatë që përsëritet prej vitesh sa herë që bie shi.
Pavarësisht ndihmës që ata i kane kërkuar, Bashkia e Kavajës nuk ka marre asnjë masë për ti dhënë zgjidhje këtij problem tashmë të njohur e të përsëritur.
Në zonën turistike të Malit të Robit dhe Golemit që para viteve “90, janë ndërtuar kanalet kulluese, por ndërtimet e hoteleve shumëkatëshe i kanë bllokuar apo ngushtuar këto kanale në disa pjesë të tyre, duke u bërë shkak për përmbytje.
