Ish-ambasadori i Maqedonisë në Bruksel dhe profesori i së Drejtës Evropiane, Blerim Reka ka komentuar referendumin e Katalonjas për ndarjen e saj nga Spanja.
Me anë të një postimi në Facebook, Reka shkruan se Kosova dhe Katalonja kanë disa të përbashkëta, pasi i bashkon e drejta për vetëvendosje dhe kundërshtimi policor.
“Identiteti i veçantë kombëtar synon sovranizimin shtetëror, andaj vetëvendosja nuk mund të ndalët”, përfundon shkrimin e tij Reka.
POSTIMI I REKËS:
Kosova dhe Katalonia, nuk e kanë të përbashkët vetëm shkronjën e pare. I bashkon e drejta për vetëvendosje. Dhe kundërshtimi i saj policor. Por, as ndërhyrja policore- sot kundër referendumit katalonas; sikur as ajo e policisë serbe kundër referendumit kosovar më 1991; nuk mund ta ndalin një të drejtë natyrore kombëtare. Madje as në rastin e Katalonisë- pjesë e shtetit anëtar të BE: me demokraci e standard të lartë jetësor; me çka u devalvuan “këshillat“ diplomatike të shekullit të kaluar- për Kosovën- se “duhej pritur demokratizimin e Serbisë”. Identiteti i veçantë kombëtar synon sovranizimin shtetëror, andaj: Vetëvendosja nuk mund të ndalet.
