Opozita shigjeton qeverinë shqiptare, se do presë 600 mijë refugjatë sirianë, me kusht hapjen e negociatave. Përpos qëndrimit publik të Ministrisë së Brendshme, në të njëjtën linjë vjen edhe reagimi i Pandeli Majkos, i cili përmes rrjeshtave të zgjedhur thotë se kjo situatë është përtej çdo gatishmërie e imagjinate.
Refugjatët në Shqipëri/ Kush po gënjen, Xhafaj apo Rama?!
I shqetësuar për lajmet që qarkullojnë për një kamp refugjatësh që mund të ngrihet në Shqipëri, për të pritur refugjatët nga Siria, ai e cilëson këtë si diçka abusurde. Përmes një analize të detajuar, Majko citon në Facebook se nëse ka ndonjë politikan evropian i cili diskuton “ftesën” për të hapur negociatat e integrimit evropian për Shqipërinë, me pranimin e ndërtimit të kampeve të refugjatëve, atëherë kjo “ftesë” më mirë të mos vijë. Sipas tij, ajo nuk do të ishte ftesë, e aq më pak ftesë evropiane. Duke vënë në pah bujarinë e shqiptarëve, ai bën një krahasim që gjen vend me shqetësimin që mbart kjo çështje.
Majko citon se të huajt që të vinë në derën e shtëpisë për ndihmë, janë miq! Ata që ti sjellin, janë miq të refuzuar të dikujt tjetër. Për rrjedhojë, ky është përkthimi që shqiptarët do ti bëjnë një ftese për kampe refugjatësh në Shqipëri.
Çështja e ngritjes apo jo të një kampi refugjatësh në Shqipëri, është debatuar këtë të mërkurë në Komisionin e Sigurisë, ku opozita ka pretenduar se ky ka qënë kushti i BE-së për hapjen e negociatave.
Kamp refugjatësh të ISIS në Shqipëri? Mos vallë Hodaj spekuloi, apo po “gatuhet diçka”?
PD i është referuar një interviste të zëvendës ministrit të Brendshëm, për median gjermane ZDF-ja, dhe sipas opozitës qeveria ka pranuar të presë 600 mijë refugjatë.
