Reali bën çmendurinë e radhës, 45 milionë për një 17-vjeçar

Real Madridit këtë sezon do të bashkohet një ndër talentet më premtues brazilian, Vinicius Jr, i cili është blerë rreth dy vite më parë nga madrilenët. Por duket se nuk do të ndalojnë me kaq, pasi kanë arritur marrëveshje edhe me Santos për Rodrygo Goes kur ai të bëhet 18 vjeç, këtë e kanë konfirmuar vetë gjigantët e La Liga-s.Rodrygo raportohet të ketë nënshkruar një kontratë shtatëvjeçare me Madrid pasi Los Blancos kanë arritur të mposhtin konkurrencën e Liverpool. Sulmuesi është golashënuesi më i ri i historisë së Santos kur gjeti rrjetën në Copa Libertadores ndaj Nacional, dhe ka shënuar nëntë gola që kur ka filluar të aktivizohet në ekipin e parë.Sipas Madrid, ai do të transferohet në Spanjë në korrikun e 2019, dhe jo në janar kur të ketë mbushur 18 vjeç pasi dy klubet kanë arritur marrëveshjen për një shifër rreth 45 milionë euro, me Santos që ka konfirmuar se do të jetë shuma më e madhe që ka marrë një ekip nga Amerika Latine. Rodrygo është braziliani i fundit që është blerë nga 13 herë kampionët e Europës, pasi Madrid ka bërë të tijin Vinicius Junior vitin e kaluar.