Reagon Ministria e Brendshme franceze, e cila në një deklaratë ka njoftuar se vetëm një polic ka vdekur pas sulmit me armë zjarri në qendër të Parisit.
Lajmi për dy policë të vdekur nuk është i vërtetë, ka njoftuar Ministria.
Njoftimi është dhënë nga Pierre-Henry Brandet, zëdhënës i MPB-së së Francës, duke thënë se një polic është vrarë dhe dy të tjerë janë plagosur rëndë.
“Raportimet për dy policë të vdekur nuk janë të sakta”, ka thënë ai. “Një burrë doli nga makina dhe hapi zjarr ndaj furgonit të policisë me një armë automatik, duke lënë të vrarë oficerin”- përfundoi ai.
“Vrasësi pastaj u largua, duke xhiruar me makinë dhe plagosi edhe dy oficerë, ndërsa policët e tjerë qëlluan e vranë sulmuesin”, tha Brandet.
“Unë kam dalë nga dyqani Sephora dhe po ecja përgjatë trotuarit… Një burrë doli nga një makinë dhe hapi zjarr me një kalashnikov mbi një polic”, tha për Reuters, dëshmitari Chelloug, një asistent kuzhine. “Polici u rrëzua, kam dëgjuar gjashtë të shtëna, kam frikë, kam një vajzë dy vjeçe dhe mendova se do të vdisja. Ai qëlloi drejt mbi policinë”, përfundoi dëshmitari.
