Kapiteni i Real Madrid,Sergio Ramos është shprehur mjaft i lumtur për rezultatin e marrë në ndeshjen e grupeve përballë Dortmund. ‘Los Blancos’ kanë thyer tabunë e pasi kishin disa vite që nuk arrinin të fironin në atë stadium, shkruan e përditshmja spanjolle “AS”. Ai komenton edhe topin e prekur me dorë në minutën e 13’.
“Ishte e rëndësishme që të vijonim dhe të shfaqnim futbollin tonë. Jemi të detyruar të luajmë çdo tre ditë por ne duhet të jemi në lartësinë e Realit më të mirë, treguam personalitet dhe fituam. Edhe pse është një ndeshje grupi është e rëndësishme të luash shkëlqyeshëm. Dortmundi është një ekip shumë i rrezikshëm por ne arritëm ta kontrollojmë”, tha fillimisht ai.
Ndërsa i pyetur për episodin e minutës së 13’ kur Ramos preku topin me dorë brenda zonës ai zbuloi bisedën me arbitrin:
“Ndodhi shumë shpejt. Jam i sinqertë: Unë e preka topin me dorë, por e devijoi Kejlor Navas. Pata një bisedë me arbitrin dhe më tha që e kishte parë prekjen por e konsideroi si të pavullnetshme, pra nuk ishte penallti”, rrëfeu ai.
“Arbitrat në Europë dhe Spanjë? Është e vërtetë që këtu të lejojnë të luash pak më shumë futboll dhe kjo më pëlqen”, përfundoi mbrojtësi spanjoll.
