Kryeministri Edi Rama dhe homologu i tij kroat, Andrej Plankoviç, nënshrkuan disa marrëveshje mes dy vendeve ditën e sotme në Zagreb.
Gjatë konferencës së përbashkët për mediat, Rama u pyet për sulmet terroriste në veri të Kosovës, ku mbeti i vrarë efektivi Afrim Nunjaku.
Kreu i qeverisë shqiptrae theksoi se vrasja e efektivit Bunjaku, dhe nderi i që Vuçiç ju bëri agresorëve janë të dëmueshme në të gjitha nivelet.
Ai theksoi se e vetmja rrugëzgjidhje mbetet që Kosova dhe Serbia të vijojnë dialogun.
“Vrasja e një efektivi të policisë së Kosovës nga një grup kriminal i armatosur dhe zia kombëtare e shpallur në Beograd për anëtarët e këtij grupi janë të dënueshme në të gjitha nivelet.
Ky është qëndrimi ynë. Duke qenë promotorë të dialogut dhe paqes përfundimtare që kalon nga njohja e republikës së Kosovës, duke u përpjekur gjithmonë të jemi të drejtpërdrejt, ne e konsiderojmë këtë zhvillim, ose më saktë këto dy zhvillime.
Shpallja e zisë kombëtare për persona që ishin përfshirë në vrasjen e një efektivi policie dhe të eliminuar si kriminelë është po kaq e rëndë sa ajo që i parapriu. Jemi të keq ardhur për një zhvillim të tillë, jemi të bindur se e vetmja rrugë është dialogu të mbështetur nga BE dhe SHBA, jo shfaqjet e ushtrisë serbe në kufirin e Kosovës që nxisin tensione.
Është pozitive që ushtria serbe u tërhoq, por është negative që ushtria serbe përdoret për shfaqje të tilla. Rajoni duhet të jetë i bashkuar në drejtim të paqes dhe integrimit në BE”, tha Rama.
Ndërsa kryeministri kroat, Andrej Plenkoviç tha se sulmi ishte i planifikuar duke e konsideruar një incident serioz.
“Krocia e dënon me forcë vrasjen e policit të Kosovës nga grupe të armatosura, Ishte i planifikuar sulmi, Konsiderojmë që është incident serioz, ka forca që duan të destabilizojnë situatën mes Kosovës dhe Serbisë, Reagimi i ndërkombëtarëve duhet të jenë të forta dhe të përkrahin institucionet e Kosovës. Nga ana tjetër duhet të eskalohet gjendja”, theksoi Plankoviç.
