Kur pritet të fillojë, ditën e sotme, seanca parlamentare në të cilën do të debatohet për krizën politike, që ka përfshirë vendin, kryeministri Edi Rama ka mbledhur në zyrë ministrat e tij për të diskutuar mbi të gjitha versionet e mundshme të aksionit politik ndaj opozitës dhe aleatit të tij, Ilir Meta, i cili po bën lojë të dyfishtë.
Kjo është një nga lëvizjet e shumta politike të këtyre ditëve të fundit, ku aktorët politikë po luajnë për të fituar sa më shumë të munden në pozicionet e tyre. Ndërsa po artikulohet gjithnjë e më shumë mundësia e krijimit të një “Qeverie Teknike” për të arritur në një marrëveshje me opozitën, që do t’i hapte rrugën pjesëmarrjes së të gjithë aktorëve politikë në zgjedhjet e 18 qershorit.
