Një ditë e tensionuar ka qenë kjo për kryeministrin Rama, i cili vijon debatin në distancë me ish-kryeministrin Berisha, përmes statuseve dhe kodeve të tyre. Paraditen e sotme, Rama ka vijuar turin e tij në qarkun e Dibrës, e pasdite është ndalur edhe në Klos. Qytetarë të shumtë, mbështetës të PD-së e kanë pritur me pankarta dhe thirrje kundër. “O kryemashtrues, shporru nga Klosi dhe qeveria”, thuhet në parullat e qytetarëve.
Kjo gjendje e acaruar mes qyterarëve të cilët shprehin mllefin me anë të protestave ndaj Ramës, nuk i ka shpëtuar këtij të fundit. Ai e ka trajtuar këtë rast, me anë të ironisë, duke mos ia lënë mangut edhe ish-kryeministrit Berisha.
Nga kantieri i ndërtimit të Rrugës së Arbrit, Rama iu kthehu përgjigje protestuesve, ndërsa sulmoi ish-kryeministrin Sali Berisha.
“Rrugës kur po vija këtu, pash nja 40 vetë me një deputet. Njësoj si çingijet tek filmi ‘Koncert në vitin 1936’, me parrulla ‘Rama ik’. Edhe Saliu, ma çoi Olta, kishte publikuar një foto. Por ky është më qesharak se roli i Albert Vërrisë në filmin “Koncert në vitin 36”. Ata dalin nëpër cepa edhe i japin skrapamentos me atë fuqinë motorike që i ka ngelur Saliut. Edhe ju duket sikur po…ata të skrapamentos sikur janë bomba”, tha Rama.
