Kryeministri Edi Rama tha se trajtimi i mbetjeve është në një fazë të re me ardhjen e qeverisë së re. Kryeministri gjithashtu ngriti shqetësimin për kërkesat e larta për kopshte, duke thënë se ka nisur përcaktimi i disa kritereve për të gjithë ata që do ndërtojnë në Tiranë që të kontribuojnë në kopshte e çerdhe.
“Përgjithësisht niveli i pastrimit është përmirësuar jo mjaftueshëm por ndjeshëm. Ka vend për përmirësim. Trajtimi i mbetjeve është në një fazë të re me ardhjen tonë në qeveri. Sot ka shumë më tepër investime dhe infrastrukture, por do të duhet të ngrihet në një nivel tjetër. Qytetarët e Tiranës duan të shkojë deri në fund ajo që ka nisur me hapësirat publike që paskan qenë shumë më tepër. Por që do t’i largojmë në çdo cep të Tiranës”, tha Rama.
