Sali Berisha ka deklaruar se Edi Rama po përdor moton “nudo për vota”, duke iu referuar deklaratave të kryeministrit një ditë më parë, i cili gjatë një takimi me të rinjtë tha “kërkon në google për foton time nudo”.
“Do të doja që çdo mësuese të pyeste veten, cfarë përbën kjo për nxënësit e saj, kur një kryeministër del me moton nudo për vota, duke shfrytëzuar jashtë cdo lloj kodi etik dhe moral detyrën.
Do të doja që cdo shqiptar, ta vlerësonte vetë këtë, kurse në ligjin shqiptar dhe ndërkombëtar kjo është absolutisht e dënueshme.
Vërtet mund të marrësh disa klikime, por kjo është rreptësishtë e ndalur në ligjin kombëtar dhe ndërkombëtar. Jo vetëm për faktin që kishe një audiencë fëmijësh, por isha para kamerave. Sikur në kuzhinën e tij ta bënte këtë premtim i vetëm para kamerave ai është përgjegjës për qindra e mijëra fëmijë, të cilët do ti mbeten në mendje se çfarë është i aftë të bëjë ky njeri, në ç’shkallë mund të degjenerojë fushatën për vota. Po e them këtu prapë, në ligj kombëtar dhe ndërkombëtar ata që kanë kryer akte të tilla janë përjashtuar nga gara zgjedhore me ligji.”, tha Berisha.
Ndërsa deklaratat e kryeministrit Rama sot se “kush voton kënetën është autik”, Berisha tha se është superskandal dhe përçmim për fëmijët.
“Përçmimi ndaj fëmijëve, meqë ky çrregullim është i fëmijëve e kanë patur Adolf Hitleri dhe ai me një dekret i fuste në krematorium fëmijët me defekte, e ka patur edhe Enver Hoxha. Ky është një superskandal. Të përdoresh ti një çrregullim prapa të cilit qëndron një heroizëm i jashtëzakonshëm i fëmijëve dhe prindërve. Ky del me këtë frazë dhe tregon se është turp të quhet prind, bashkëshort dhe baba me këtë fjalë që thotë për këta fëmijë heronj janë ata”, tha Berisha.
