Kryeministri Edi Rama ka reaguar ndaj deklaratës së kreut të PD, Sali Berisha, i cili tha se takimi i sotëm me punonjësit e Bashkisë Tiranë në sheshin “Skënderbej” ishte një “anti-miting”.
Rama e quajti këtë një “çmenduri”, duke shtuar se ata që e quajnë kështu janë të pasigurtë dhe se “Noc Rroku do të vijë bashkë me pranverën”.
“Këneta kishte lajmëruar se këtu do të bënim një anti miting, madje kishin bërë edhe njoftimin u çmend Edi Rama. Tani kanë mësuar edhe Noc Rrokun dhe ma thonë mua, por nuk e dinë që Noc Rrokku është kur e ndjen jo kur ta thonë.
Do vijë Noci bashkë me pranverën. Kush bëri miting që ne do të bëjmë anti? Qeveritë që bënin antimitingje kanë vdekur në 2013 bashkë me ideatorët e tyre që sot kanë statusin monumente të opozitarizmit kënetor”, tha ai.
