Kryeministri Ed Rama prezantoi sot vendimet e qeverisë.Ai tha se qeveria do t’i qendrojë zotimit për rritjen e pagave, ndërsa tha se 5 mijë lekë do të shkojnë për pensionistët.
Do të bëjmë një rritje pagash historike, tha Rama.
“I qendrojmë zotimit për rritjen e pagave. Sot nuk kemi vetëm zotimin e përgjithshëm por edhe informimin komplet se për pensionistët do të ketë 5 mijë lekë që do të shkojnë. Kemi në dorë një plan shumë ambicioz dhe shumë të arsyeshëm për një rritje pagash, e cila synon të mundësojë ngritjen në harkun e këtyre dy viteve të 2023-2024, në nivelin e lartë të rajonit. Synon të realizojë një target për pagën mesatare 900 euro. Jemi në kushtet e një mundësie të re, një mundësi që do ta shfrytëzojmë maksimalisht dhe pas rritjes së pagës minimale, tani mund të shkojmë drejt rritjes së pagës mesatare, në dy faza. Do të kemi një rritje tani, së shpejti për një pjesë dhe të shkallëzuar.”-shprehet Rama.
