Në një takim ku prezantoi programin e PD-së për sportin, kreu i Partisë Demokratike, Sali Berisha, kritikoi ashpër qeverinë dhe theksoi disa nga, sipas tij, “rekordet e zeza” të saj.
Ai veçoi moszbatimin e vendimit të Gjykatës Kushtetuese në rastin e ministrës Olta Xhaçka, ku akuzoi se bashkëshorti i saj kishte përfituar 10 mijë metra katror tokë në bregdet, dhe kjo ndodhi përkundër një vendimi të qartë të gjykatës që duhej ta heqë atë nga posti.
“Qëndrimi që mban ndaj Shkodrës është një qëndrim atëror. Shkodrën Edi Rama, socialistët në qeverisjen e parë të tyre e shkatërruan për energjinë elektrike., Përdorën një skemë shumë të njohura të diktaturave ndaj zonave armiqësore. Diktaturat në Amerikën Latinë në zonat armiqësore, për të rrënuar ato zona i ndërprisnin energjinë. Shkodrës në vitet 98-99 i pritej në 90% të kohës energjia. E rrënuan. Vazhdon po këtë politikë ky. Sot i vendos Dobraçin, kryetar i bashkisë varet nga Dobraci, deputetet që garojnë varen nga Dobraç. Bajrat janë bankomati i Edi Ramës. E imagjinoni ju Shkodrës ja ka hequr të gjitha institucionet dhe përpiqet ta reduktojë sa më shumë”, tha Berisha.
