Në prag të vitit elektoral, kryeministri Rama, ka ndërmarrë një aksion politik për reformimin e strukturave të Partisë Socialiste. Ai ka vendosur që në drejtimin politik të kryqendrës së veriut të caktojë Ilir Beqajn, i cili pason drejtimin Valdrin Pjetrit, i cili u largua rreth një vit më parë pasi nuk e kaloi ligjin e dekriminalizimit dhe shkëputi lidhjet me Partinë.
Simpatizantët e Partisë Socialiste, prisnin që drejtimin e qarkut Shkodër të vendosej Ditmir Bushati. Megjithatë, vendimi që Ilir Beqaj të udhëheqë socialistët e qarkut Shkodër do të zyrtarizohet në asamblenë socialiste që mblidhet këto ditë. Beqaj deri më tani operonte në qarkun e Kukësit.
Një tjetër vendim me rëndësi që pritet të merret, ka të bëjë me qarkun e Durrësit, ku Vangjush Dako është ende drejtues. Sipas burimeve të ABC News, Dako do të distancohet nga funksionet zyrtare, dhe kryeministri Rama po kërkon për një emër të qëndrueshëm.
