Edhe avokati Spartak Ngjela është përfshirë në morinë e lajmeve që kanë shpërthyer së fundmi, në lidhje me refugjatët. Mjaft i drejtpërdrejtë në qëndrimin e tij, Ngjela iu drejtohet të gjithë qytetarëve që të mos flenë gjumë, por të ngrihen e të protestojnë.
Në analizën e tij të postuar në Facebook, Ngjela nuk bën fajtor vetëm Ramën për integrimin, por edhe ish-kryeministrin Berisha.
Sipas tij, gjithë shpresa e Ramës dhe Saliut ka qenë mos-hapja e negociatave, e për këtë janë kujdesur për të luajtur të gjithë gurët.
Ai më tej qesh me shifrën që qarkullon në media, se do na “pushtojnë” 600 mijë refugjatë. Si për ironi, ai thotë se 600 mijë refugjatë nuk i akomodon dot as Amerika. Po pse vallë ka dalë kjo shifër?
