Kryeministri Edi Rama ka dhënë sot një njoftim të rëndësishëm. Ai ka rrëfyer se në orën 12:00 do të zhvillojë një komunikim të drejtpërdrejtë me gazetarët dhe ndjekësit e tjerë në Facebook.
Ky komunikim publik vjen një ditë pas takimit ballë për ballë me kundërshtarin e tij politik, Lulzim Basha. Kështu, gazetarët do të kenë mundësi të marrin detaje mbi takimin 3-orësh, të zhvilluar dje në Presidencë, i cili u mbyll pa negociata mes palëve.
Megjithatë, mbetet për t’u parë nëse kryeministri do të komunikojë ndonjë njoftim të rëndësishëm, lidhur me krizën politike në vend, apo do t’i anashkalojë pyetjet e gazetarëve me anë të batutave.
