Kryeministri Rama i ka dy fjalë për opozitën, që sipas tij, bëjnë zhurmuesin për negociatat. Por Rama shprehet mjaft optimist për një përgjigje pozitive, duke vënë në dukje njëkohësisht problematikat që kanë parashtruar më herët PD e LSI.
Integrimi na “ngel në klasë”, s’kemi bërë detyrat. Gjermanët na vendosin kushte
E për këtë, ai ka një argument të vetëm: në BE nuk ka proces pa kushte.
Gjatë një dëgjese me banorët e Sarandës, kreu i qeverisë tha se ka besim që drita jeshile për Shqipërinë do të ndizet.
“Nxisin e gënjejnë deputetët europianë për të mos hapur negociatat (opozita). Do ta shohim, 28 qershori do vijë.
Unë kam shumë besim që drita jeshile do ndizet. Kanë ngritur tymnajë të re tani, s’ka proces pa kushte. Mali i Zi po negocion, ky është një proces.
Mali i Zi ka 94 kushte. E rëndësishme është që ne të mos qëndrojmë në vend numëro, por hapa përpara. Ne do të bëhemi anëtarë të BE-së kur të jemi gati, por ndërkohë të shfrytëzojmë këtë proces për një Shqipëri më të mirë”, tha Rama.
