Kryeministri Edi Rama tha gjatë komunikimit të tij “Sy më sy” me ndjekësit në rrjetet sociale se është aprovuar hapja e 8 grup-kapitujve të tjerë negociatash me BE.
Rama u shpreh ky progres i shpejtë është tregues i angazhimit të Shqipërisë dhe vullnetit politik për të përmbushur standardet europiane ndërsa theksoi se fati evropian i vendit vendoset me zgjedhjet e 11 majit.
“Dje kur po shkoja në Fier, mora lajmin se grupkapitulli tjetër i negociatave u aprovua për t’u hapur. Pra kemi hapur 16, hapim edhe 8 të tjerë tani. Mbeten edhe 11 për t’u hapur dhe kam besim dhe shpresoj e uroj që me fuqinë e re të 11 majit të hapim edhe 11 të tjera brenda këtij viti. Do të ishte rekord evropian se asnjë vend s’i ka hapur të gjithë kapitujt në një vit dhe asnjë tjetër me afat në tre vjet. Fati evropian është në duart tona”, u shpreh Rama.
