Interi dhe Barcelona kanë avancuar në bisedimet për transferimin e Rafinhas në Milano. Drejtori sportiv i Interit, Piero Ausilio, ka udhëtuar drejt Barcelonës për të prekur më nga afër situatën e lojtarit dhe duket se ka bërë dhe ofertën përfundimtare. El Mundo Deportivo shkruan se Interi është gati të paguajë 30 deri 35 milionë euro për Rafinhan dhe nuk është gati që të presë më shumë për nënshkrimin e brazilianit.
Barca kërkon 40 milionë euro plus pesë milionë euro bonuse me Nerazzurët që po e konsiderojnë këtë si shumë për një lojtar i cili nuk ka luajtur që nga prilli për shkak të një dëmtimi në ligamente. Gazeta katalanase siguron se tashmë marrëveshja personale me lojtarin është arritur dhe takimi me drejtorit sportiv Piero Ausilio në Barcelonë, duhet të jetë përfundimtarë për këtë lëvizje.
Në anën tjetër Barca është duke nxituar ta shesë lojtarin dhe po mirëpret interesimin edhe të skuadrave tjera për të. Rafinha shihet si alternativë përforcuese për mesfushën e Interit, i cili do të luaj pas krahëve të Icardit si trekuartist.
