Në Kakavijë, radha e mjeteve në hyrje për në Shqipëri është rreth 1 km, ndërsa ka pasur një fluks të lartë qytetarësh, me të paktën 8,000 shqiptarë që kanë hyrë sot përmes këtij kufiri.
Sipas autoriteteve, dyndja e qytetarëve ka shkaktuar krijimin e radhës, me një kohë pritjeje rreth 2 orë.
Pala greke po punon me 2 sportele për hyrje dhe 3 për dalje.
Situata të ngjashme ndodhin në mënyrë periodike në vigjilje të festave të fundvitit dhe Pashkëve.
Pritet që fluksi të vijojë me ritme të larta deri në fund të dhjetorit.
Gjatë javës së fundit, rreth 18 mijë qytetarë kanë hyrë në Shqipëri, ndërsa gjatë festave pritet të kalojnë edhe 30 mijë të tjerë.
Në drejtim të Greqisë, fluksi në dalje është gjithashtu i lartë, me rreth 10 mijë qytetarë që janë larguar gjatë javës së fundit.
Aktualisht rreth 700 qytetarë janë duke pritur për përpunimin e dokumenteve në anën greke të kufirit.
