Në Republikën Demokratike të Kongos rreth 400 mijë fëmijë rrezikohen nga kequshqyerja në rajonin e Kasait të Madh.
UNICEF njofton se dhuna në pesë provinca të këtij rajoni, ka lënë infrastrukturën shëndetësore në gjendje kritike e të paaftë për të vepruar.
Më shumë se një e treta e qendrave mjekësore në provincën qendrore të Kasait janë detyruar të mbyllen për arsye sigurie ose mungesë furnizimesh me ilaçe.
Sipas deklaratës fëmijët përballen gjithashtu me rrezikun në rritje të kequshqyerjes, pasi konflikti në rajon e ka vështirësuar punën në bujqësi për vendasit.
“Fëmijët janë lehtësisht të cenueshëm dhe tashmë ata përballen me një krizë, nëse qasja në shërbimet themelore nuk do të vendoset shpejt“, tha Marie-Pierre Poirier Drejtore Rajonale e UNICEF-it për Afrikën Perëndimore dhe Qendrore. “Pa kujdesin e duhur shëndetësor, pa qasje në ushqim dhe ujë të pastër, jetët e qindra mijëra fëmijëve janë në rrezik“, tha ajo.
