Një tërmet me magnitudë 5.3 të shkallës Rihter, goditi Qipron të mërkurën, 12 tetor. Lëkundjet u ndjenë edhe në disa zona të Libanit. Deri më tani nuk raportohet për dëme.
Dridhja u regjistrua rreth orës 11:32 paradite, 20 km në verilindje të qytetit perëndimor Pafos, dhe në një thellësi prej 15 km, sipas Departamentit të Studimeve Gjeologjike të Qipros. Sipas televizionit shtetëror, ndërtesat publike në distriktin e Pafosit u evakuuan përkohësisht.
Dridhjet pasuese vazhduan, përfshirë një tjetër tërmet që Qendra Sizmologjike Euro-Mesdhetare e vlerësoi paraprakisht me magnitudë 5.3 pasdite të së mërkurës. Sipas dëshmitarëve, ai u ndje nga banorët në ndërtesat e larta, përfshirë në kryeqytetin Nikozia.
Qiproja ndodhet në një rajon me aktivitet sizmik, por tërmetet rrallëherë shkaktojnë dëme. Disa persona që shkruan në faqen e EMSC thanë se dridhja u ndje edhe në disa pjesë të Libanit.
