Turqia do të jetë në gjendje të blejë sisteme raketash S-400 nga Rusia dhe avionë luftarakë F-35 nga Shtetet e Bashkuara, tha të martën ministri i Mbrojtjes i vendit, Nurettin Canikli.
Më parë, kreu i Komitetit të Punëve të Jashtme të Parlamentit turk, Volkan Bozkir, kishte paralajmëruar se Shtetet e Bashkuara nuk do të dorëzonin F-35 në Ankara, sepse Uashingtoni nuk ishte i kënaqur me vendimin e Presidentit Rexhep Taip Erdogan për të blerë sistemet e mbrojtjes ruse.
“Këto dy plane nuk janë të lidhura. Ne tashmë kemi rënë dakord të blejmë sistemet e mbrojtjes anti-raketore S-400 nga Rusia dhe kjo nuk ndikon në blerjen e F-35 nga Shtetet e Bashkuara”-tha Canakli.
Turqia nënshkroi marrëveshjen përfundimtare me Rusinë për të blerë S-400 në dhjetorin e kaluar, një lëvizje që ngriti frikën se administrata e Donald Trump do të vendoste sanksione të reja.
Por duhet rikujtuar se veprimet e Greqisë dhe Turqisë janë në një pikë të nxehtë, ndërsa vendet e tjera perëndimore kanë apeluar për qetësi. Provokimet janë të shumta, por duhet thënë se asnjëra nga palët nuk lëshon nga vetja dhe kjo është konsideruar si vatër e nxehtë, e cila mund të lë pas shumë pasoja. TIRANA TODAY
