Ish-gjenerali rus Evgeni Buzhinski, ka bërë një deklaratë të fortë. Ai tha se “stabiliteti” i pas Luftës së Ftohtë, për kontrollin global të armëve bërthamore po “shkatërrohet” nga SHBA. Sipas tij Amerika nën udhëheqjen e presidentit Donald Trump po vë në pikëpyetje sigurinë globale.
Ai tha me “keqardhje”, se Trump ka kërcënuar të tërhiqet nga Traktati i Forcave Bërthamore të Mesme Intermediate-Range 1987.
Buzhinskiy, kryetari i Qendrës PIR në Moskë, tha se fati i sigurisë globale varet nga “çfarë hapash do të marrë SHBA në të ardhmen”.
“Në rastin më të keq, nëse vendosin raketa bërthamore, diku në Poloni, do të shpërthejë kriza e dytë e raketave kubane’. Këtë deklaratë ai e ka bërë për Daily Star Online nga kryeqyteti rus.
Kriza e Tetorit
Kriza e raketave kubane ishte një konfrontim 13-ditor ndërmjet SHBA-së dhe Bashkimit Sovjetik. Ky konflikt për shkak sa nuk shkaktoi një përplasje me armë bërthamore ndërmjet fuqive të mëdha.
Kriza, e njohur edhe si Kriza e Tetorit e vitit 1962, erdhi kur raketat balistike të Shteteve të Bashkuara u vendosën në Itali, Turqi e më pas u dërguan në Kubë.
Të dy vendet përfundimisht ranë dakord të shkatërronin armët e tyre pas negociatave të gjata dhe të tensionuara. Negociatat u mbajtën midis Presidentit të atëhershëm të SHBA John F. Kennedy dhe ish-kryeministrit sovjetik Nikita Hrushovi.
Buzhinski beson se një krizë e ngjashme mund të rezultojë nëse raketat bërthamore amerikane do të vendosen në bazat ushtarake evropiane. Kjo vetëm në rast se traktati i INF bie.
Paralajmërimi i Putin
Presidenti rus Vladimir Putin nuk do të ngurronte të urdhëronte një sulm ajror nëse SHBA-të vendosi raketa bërthamore me bazat ushtarake evropiane. I këtij mendimi është Buzhinskiy, i cili shërbeu me Shtabin e Përgjithshëm Rus.
“Unë mendoj se Rusia nuk do të ketë rrugë tjetër përveçse të shkatërrojë këto raketa,” tha ai.
Putin paralajmëroi qartë shtetet evropiane se ata janë nën “rrezik të madh” ndaj sulmeve ruse nëse ata mbajnë raketa bërthamore të SHBA.
Buzhinski tha se komentet e Putinit duket të merren në konsideratë. “Ai nuk është duke luajtur bllofin, ai është serioz”, tha ish-gjenerali.
Javën e kaluar, Putin tha se një goditje bërthamore kundër Rusisë do të çojë një “katastrofë globale” sepse “hakmarrja është e pashmangshme” nga ana e vendit të tij. Përshtati: Tirana Today
