Presidenti i Rusisë, Vladimir Putin ndodhet për një vizitë zyrtare në Serbi, ndërsa është takuar me homologun serb, Aleksandër Vuçiç. Ai tha se autoritetet në Prishtinë morën disa hapa së fundmi, siç është formimi i Ushtrisë së Kosovës që sipas tij është shkelje e rezolutës 1244 si dhe vendosjen e taksës 100% për mallrat serbe.
“Rusia pajtohet që Beogradi dhe Prishtina të arrijnë një marrëveshje të pranueshme reciproke në përputhje me rezolutën 1244. Rusia ndan shqetësimin me udhëheqjen dhe popullin serb se këto veprime të papërgjegjshme mund ta destabilizojnë Ballkanin,” tha presidenti rus Vladimir Putin në Beograd.
Duke përsëritur se ai nuk e sheh një zgjidhje të afërt në perspektivë ndërmjet Beogradit dhe Prishtinës, presidenti serb Aleksandër Vuçiç tha se për çdo zgjidhje do të konsultohet me Putinin.
