Një incident, aspak i këndshëm, ka ndodhur gjatë një udhëtimi ajror. Një punonjëse e “American Airlines” ka ushtruar dhunë ndaj një pasagjereje, e cila kishte pranë vetes fëmijën e saj mbi një karrocë.
Punonjësja ka larguar foshnjën duke marrë karrocën me dhunë.
Gruaja shpërthen në lotë pas këtij veprimi, skenë kjo e filmuar nga një tjetër pasagjer.
“Ti nuk mund të dhunosh fëmijën. Ma jep mbrapsht karrocën të lutem”, thotë gruaja, siç duket në video.
Siç dëshmitarët raportojnë, gruaja kishte refuzuar të linte karrocën, ndërsa punonjësja e linjës ajrore ia ka marrë atë me dhunë.
Punonjësja këmbëngulte që karroca të kontrollohej, ndërsa në momentin e incidentit ndërhyn një nga pasagjerët. Ky i fundit dënon dhunën e ushtruar ndaj nënës dhe fëmijës, ndërsa konfliktohet më pas nga një tjetër punonjës i linjës ajrore, i cili e kërcënon se do e rrahë.
Një tjetër rast i ngjashëm, ku ushtrohet dhunë ndaj pasagjerëve është shënuar pak kohë më parë.
Ndërkohë, kompania ajrore “American Airlines” ka nisur hetimet mbi ngjarjen, pas publikimit të videos në rrjetet sociale.
http://www.dailymotion.com/video/x5j9j45_mother-allegedly-hit-by-american-airlines-employee_news
