Rikthimi i Joan Laporta në krye të Barcelonës konfirmon se Lionel Messi dhe e ardhmja e tij ishte e mbyllur përfundimisht dhe që do të firmoste rinovimin e kontratës. Ndryshe nga ky perceptim, në Francë kanë një version ndryshe.
E ardhmja e Messit jo vetëm që nuk është vendosur, por PSG po përgatitet për një sulm të fundit në mënyrë që të bind argjentinasin të transferohet në Paris.
Sheikët janë të gatshëm ti ofrojnë Messit një kontratë dy vjeçare me opsion rinovimi edhe për një tjetër vit, ndërsa sa i përket pagës së tij bëhet fjalë për shifra stratosferike. Ky lajm është bërë publik fillimisht nga një gazetar brazilian dhe ka gjetur konfirmimin edhe nga “Mundo Deportivo”.
Messit i skadon kontrata me Barcelonën në qershor, por palët deri më tani nuk kanë bërë asnjë hap përpara për të shkuar drejt rinovimit.
